Posts

Showing posts from July, 2007

ಪ್ರೊ. ಶ್ರೀ. ಎಮ್. ಹಿರಿಯಣ್ಣನವರು. (೧೮೭೧-೧೯೭೧)

ಪ್ರೊ. ಶ್ರೀ. ಎಮ್. ಹಿರಿಯಣ್ಣನವರು. (೧೮೭೧-೧೯೫೦) ಆಂಗ್ಲಭಾಷೆಯಲ್ಲಿ ಭಾರತೀಯತತ್ವಶಾಸ್ತ್ರದ ಬಗ್ಗೆ ಸಮರ್ಥವಾಗಿ, ವಿದ್ವತ್ಪೂರ್ಣವಾಗಿ ಬರೆದ ಪುಸ್ತಕಗಳಸಾಲಿನಲ್ಲಿ ಹಿರಿಯಣ್ಣನವರ ಗ್ರಂಥ ಎದ್ದು ಕಾಣುವುದು, ಎಲ್ಲರ ಗಮನಕ್ಕೆ ಬಂದಿರುವ ವಿಷಯವಾಗಿದೆ. ಅವರ ಪುಸ್ತಕ, ಇಂದಿಗೂ ವಿಶ್ವದ ತತ್ವಶಾಸ್ತ್ರದ ವಿದ್ಯಾರ್ಥಿಗಳಿಗೆ ಪಠ್ಯ ಪುಸ್ತಕವಾಗಿದೆ. ಪ್ರೊ. ಹಿರಿಯಣ್ಣನವರು ಸಂಸ್ಕೃತದಲ್ಲಿ ಪ್ರಕಾಂಡ ಅಂಡಿತರು. ಹಾಗೆಯೇ ಆಂಗ್ಲಭಾಷೆಯಲ್ಲೂ ಪ್ರಚಂಡ ಪ್ರಭುತ್ವವನ್ನು ಸಂಪಾದಿಸಿದವರು. ಅವರ ಇಂಗ್ಲೀಷ್ ವ್ಯಾಖ್ಯಾನ, ಎಲ್ಲರ ಮೆಚ್ಚುಗೆಯನ್ನು ಗಳಿಸಿದೆ. ಅವರು ಅತ್ಯಂತ ಮೃದುಮಧುರಭಾಷಿ, ಹಾಗೂ ಸಮರ್ಥ ಚಿಂತಕರು. ಭಾರತೀಯ ತತ್ವಶಾಸ್ತ್ರವನ್ನು ಸರಿಯಾಗಿ ಅರ್ಥೈಸಿ ಹೇಳುವುದರಲ್ಲಿ ಎತ್ತಿದ ಕೈ. ತಮ್ಮ ವಿದ್ಯಾರ್ಥಿಗಳನ್ನು ಅತ್ಯಂತ ಪ್ರೀತಿ-ವಿಶ್ವಾಸಳಿಂದ ಕಾಣುತ್ತಿದ್ದರು. ಜನನ ಬಾಲ್ಯ ಮತ್ತು ಮನೆಯ ಪರಿಸರ : ಹಿರಿಯಣ್ಣನವರು ಮೇ, ೭, ೧೮೭೧ ರಲ್ಲಿ ಜನಿಸಿದರು. ತಂದೆ. ಶ್ರೀ ನಂಜುಂಡಯ್ಯನವರು. ಅವರಿಗೆ ೩ ಗಂಡುಮಕ್ಕಳು. ಅವರಲ್ಲಿ ಹಿರಿಯಣ್ಣನವರು ಎರಡನೆಯವರು. ಇವರ ಒಬ್ಬ ಸೋದರ, ಪ್ರಖ್ಯಾತ ಶ್ರೀ. ಎಮ್. ಎನ್. ಕೃಷ್ಟರಾಯರು. ಇವರು ಹಿಂದಿನ ಮೈಸೂರು ಸಂಸ್ಥಾನದ ಸರ್ಕಾರಿ ಹುದ್ದೆಯಲ್ಲಿ ಹಲವಾರು ಶಾಖೆಗಳಲ್ಲಿ ದುಡಿದು, ಕೊನೆಗೆ, ದಿವಾನರಾಗಿ ನಿವೃತ್ತರಾದವರು. ಇವರ ಹೆಸರಿನಲ್ಲೇ, ಬೆಂಗಳೂರಿನ ಬಸವನಗುಡಿ ಬಡಾವಣೆಯಲ್ಲಿ, ವಿಶಾಲವಾದ, (ಕೃಷ್ಣರಾವ್ ಪಾರ್ಕ್) ಉದ್ಯ